الله معك...
بيخَبّرو عن بَيّ رِجِِع مِن الشِغِل عَ البيت، فات عَ أوضتو وشاف إبنو الزغير عم بيفَلفِش بوراقو.
سألو البَيّ :
«شو عم تعمل؟»
قلّو :
«عَم جَرِّب إقرا مشاريع عَمَلَك بَس مِش عَم بِقدَر إفهَم شي».
البَيّ انبَسَط لأنّو إبنو إعتَرَف بِيَلّي كان عَم يَعملو وقَلّو :
«يا إبني، هيدا مِش بس شِغْلي، هيدا مشروع حياتي، وصُعب كتير علَيك تِفهَمو، إلّا إذا أنا ساعَدتَك وشَرَحتِلَّك عَنّو».
الزوّادة بتقلّي وبتقلَّك :
«الإنجيل مشروع الله الخلاصي وجَوهَر حياتو، وصَعب كتير علينا نِفهَمو، إلّا إذا شَرَحِلنا ياه الآب، بواسطِة روحو القدّوس». والله معك.
المصدر : صوت المحبّة
