الله معك...
صَبي كان عم يمشي مع إمّو ع شطّ البَحر توقَّف وسألها :
«يا إمّي، إذا عندي صديق وبدّي أحتفظ فيه شو بعمل؟»
كَمَشِت الإم كَمشتَين رَمُل بإيدَيها، شَدِّت عَ الرَمُل اللي بإيدها الشمال، وقعو الرملات من إيدا.
وتَرَكِت إيدها اليَمين مفتوحَة، وبِقيو الرملات فيها.
جاوَب الصبي : «إمّي فهمت...».
الزوّادة بتقلّي وبتقلَّك :
لتحافِظ عَ النّاس وخاصةً أقرب المُقَرَّبين لإلَك اترِكهُن أحرار، ما تقيِّدهن ما تخنقهُن، وأكيد ما تشِدّ عليهُن. والله معك.
المصدر : صوت المحبّة
