18 Nov
18Nov

الله معك...


قُصُّتنا إخوتي عن بنت زغيرِة ماشيِة مع بَيّها عَ طريق الضيعَة، والدِّني ليل.


مِسكِت البنت إيد بَيّها وصارِت تتطَلَّع لفوق.


وكانِت مَفتونِة برَونَق السَّما المشَعشعَة بالنجوم اللي عَم تِبرُق.


ومن بعد ما تأمَّلِت منيح، التَفَتِت ببَيّها وقالِتلو :

- كِنت عَم فَكِّر، يا بابا، إذا مَيلِة القَفا من السَّما حِلوِة هالقَد، يَعني قَدَّيشا حلوِة مَيلِة الوِجّ؟





الزوّادة بتقلّي وبتقلَّك :

وِجّ السَّما حِلو كتير، بس ما ننسى إنّو بوقت من الأوقات، ربّنا تَرَك السَّما ونِزِل عَ أرضنا حتَّى يَعطيني هالزوّادة :

إذا بتحِبّو بعضكُن مِتِل ما أنا حَبَّيتكُن، بتصير السَّما تبَلِّش عَ الأرض. والله معك.


 المصدر : صوت المحبّة

تعليقات
* لن يتم نشر هذا البريد الإلكتروني على الموقع.