فات إستاذ ع الصّف وفرَّق أوراق المسابقات ع تلاميذو وقال : «ما تِنسو مِتِل كِلّ مَرَّة بتَعملو فَحص بمادِّة بتكونو عم تعملو فحص بنفس الوقت بالنزاهة، بتمنّى إذا بدكُن تِفشَلو بفحص من الإثنين، تِفشَلو بمادِّتي ومِش بإمتِحان النزاهة».
الزوّادة بتقلّي وبتقلَّك :
بمسيرة الحياة في إمتحانات كتيرة بتمُرّ فيها، في مِنهُن إذا رَسَبت فيهُن بتعيد، والمرَّة التانية بتِربَح بس في إمتحانات الخطأ الأوَّل فيهُن بيكون الأخير. والله معك.
