الله معك...
شَبّ مُلحِد بيِتنَقَّل مِن بَلَد لبَلَد وبيقول للناس الله مِش مَوجود، و بيَوم من الإيّام بيِلتقي بإحدى الدُوَل بفلّاح عَم يِشتِغِل بالحَقل بيقِلّو :
«الله مِش مَوجود».
جاوَب الفلّاح وقال :
«ما دام الله مِش مَوجود لَيش عَم تِحكي عَنّو»؟
وهالمُلحِد عَ فراش المَوت قال آخِر جِملِة :
«يا يسوع المسيح ساعِدني ما تِترِكني وَحدي عَم بتعَذِّبني».
الزوّادة بتقلّي وبتقلَّك :
إذا بعد ما التَقَيت بيَسوع لازِم تفَتِّش عليه، وإذا حاسِس إنَّك مَتروك وعم تِتعَذَّب ما تُنطُر ساعات المَوت لحَتّى تُصرُخ وتقِلّو يا يسوع ساعِدني. والله معك.
المصدر : صوت المحبّة
