الله معك...
بعد إحدى المعارك، وِقِف جندي من جيش الإحتلال عَم بيراقِب وَلَد كان عَم يتفَرَّج عَ آثار القصف.
قَرَّب الجندي لعند الولد وقَلّو :
«إذا عطيتَك ١٠ دولار بتقدر تِثبِتلي إنّو الله موجود؟».
قَلّو الصبي :
«انطرني لحظة».
رَكَض لعند بَيّو وقَلّو :
«بترجّاك بَدّي مِيِّة دولار».
أخدها وراح لعند الجندي وبِكِلّ شجاعه قَلّو :
«تفَضَّل هَيدي ١٠٠ دولار وثبِتلي إنّو الله مِش مَوجود».
الزوّادة بتقلّي وبتقلَّك :
بقَلب الخَراب بقلب الدَمار الله دايمًا موجود.
شرط إنّو يكون مَوجود بقلبي وبقلبك. والله معك.
المصدر : صوت المحبّة
