الله معك...
بأحد سجون التّعذيب الإلمانيِّة، وَجَّه الإلمان دعوة للحضور للسجن ومشاهدة عمليِّة صلب ٣ أولاد وكلّ واحد ما بيشارك وبيُحضر بيكون ضد النازية.
فبينما الجموع مجتمعة، ولمّا قتَلو أوَّل ولد سمع أحد المؤمنين صوت مِن وَرَاه عم بيقول :
«أوعا حدا يقلّي إنّو الله موجود.. شو ذنب هالطفل؟».
ولمّا قتلو الثاني قال الصوت :
«معقول بعد في حدا عندو الشجاعه حتَّى يقول الله موجود؟ إذا موجود ليش عم يسمح إنّو هالأطفال الأبريا يموتو؟».
وعندما قتلو التالت وهوّي الأوسط سمع نفس الصوت عم بيقول :
«ليه بيسمح الربّ بهلشي؟ يا جماعة حدا يشرحلي وين موجود الربّ؟».
عندها أجاب المؤمن وقال :
«موجود هون»، مشير للصليب.
الزوّادة بتقلّي وبتقلَّك :
الربّ موجود وحاضِر بكِلّ الأمكِنِة والأزمِنِة، بالفرح موجود وبالحزن موجود، بالألم موجود، ما ينقصنا أنّو نشوفو بقلوبنا. والله معك.
المصدر : صوت المحبّة
