الله معك...
في إمرأه عندها جارة بتِحكي كتير، وهالإمرأة كانِت عَم تِحكي عن جارِتها حَكي مِش صحيح وكلمات مؤذيِة.
بَسّ بيَوم مِن الإيّام وِعي ضَميرها وقَرَّرِت تروح تِعتِرِف، ولَمّا اعتَرَفِت بخطاياها للخوري طَلَب مِنها تروح تِنتُف دجاجِة وتِرمي ريشها وتِرجَع لَعَندو.
لَمّا رِجعِت خَبَّرِتو إنها نَفَّذِت الطَلَب، قلّها :
«لازِم ترجَعي تجَمّعي الرّيشات».
قالتوا :
«صَعب كتير إجمَعهُن لأنّو الهوا طَيَّرهُن».
جاوَب وقلّها :
«إنتِ هَيك عمِلتي بجارتِك، روحي وغَيّري أفكار الناس عن جارتك».
الزوّادة اليوم صَلا مأخودي مِن كتاب المزامير :
«يا ربّ كُنْ حارِسًا على فَمي وشَفَتَيَّ». والله معك.
المصدر : صوت المحبّة
