الله معك...
أرادو بعض الناس إنُّن يصَلّو لألله حتَّى تشَتّي الدِني وينَزِّل المَطَر.
سَألُن الكاهِن :
«إنتو واثقين إنّو إذا صَلَّيتو رَح يِستَجيب الله إلكُن وتشَتّي الدِني؟».
جاوَبوه :
«أكيد!!!»
قَلُّن :
«فإذًا لَيش ما جِبتو مَعكُن شَمسِيّات؟».
الزوّادة بتقلّي وبتقلَّك :
الصلا هِيّي طَلَب وكِلّ واحَد مِنّا بيَعرِف يُطلُب، المُهِمّ نكون عَم نُطلُب بإيمان وعَنّا ثِقَة إنّو في حدا عَم يِسمَعنا ورَح يلَبّيلنا طَلَبنا. والله معك.
المصدر : صوت المحبّة
