سألو القدّيسة تريزيا الزغيرِة : 

شو بتَعملي قدّام الصعوبِة ؟ 


جاوَبِت :

- بقفُز مِن فوقها.

- وإذا كانِت كتير كبيرة ؟

- ما بيهِمّ! بعَلّي أكتر وبِقفُز من فوقها.


ورِجعو سألوها :


- وإذا كانِت كتير كتير كبيرة وما قدِرتي تقِفزي؟


قالِتلهُن :


- ساعِتها بِمرُق مِن تَحتها.




الزوّادة بتِسألَك :

قولَك هيدا المطلوب؟ أكيد لأ. 

القدّيسة تريزيا، قدّام الصعوبِة، بتحاوِل تحِلّا أو تتخَطّاها، وهيدا القَفز من فوقا.

ولأنّو في صعوبات ما بتقدر لا تحِلُّهن ولا تتخطّاهُن، تريزيا بتقِلَّك : إمرُق تَحتُن واحمِلُهن، وخَلِّيُن هِنّي يصيرو صَليبَك ودَربَك للقيامِة.


يا ربّ، إذا قَفَزنا فوق مشاكِلنا، اعطينا إيدَك تِسعِفنا.

وإذا مَرَقنا مِن تَحتها، اعطينا أكتافَك تِحمُل معنا، إنتَ اللي دَعَيتنا إلَك كِلّ مَرَّة بيِتقَل الحِمِل علَينا. آمــــــــــــين. والله معك.

المصدر : صوت المحبّة