الله معك...
رجّال حَبّ يَعرِف شو الفرق بين السما وجهنَّم، نام وبالحلم أخدوه الملايكُة برحلة، قالولو :
«تفضّل فوت إنت بجهنَّم»
وشو انصَدَم لمّا شاف طاولة وناس مجتمعين عليها، وكلّ واحد منهم معو شوكِة طويلِة، بس مش عم يقدر يمِدّها عَ تِمّو لحتَّى ياكُل فِيا.
خَلَّصو وطَلَّعو عَ السما، نفس الطاولة بس مع مدعوّين مغيّرين إنّما نفس الشُّوَك الطوال، بس الفرق إنُّن عَم ياكلو، لأنّو كلّ واحَد كان عم يشِكّ بالشَّوكِة ويِطعَم يَللي بِوِجّو.
إخوتي نحنا اليوم منِقدَر نصَيِّر أرضنا سما مِن خِلال علاقِتنا مع الآخرين. والله معك.
المصدر : صوت المحبّة