الله معك...


بيخَبّروا إنّو بيَوم من الإيّام في شَبّ تخانَق مع صديقتو، أُصيب بحالة من الإحباط، راح لعند صديقو وصار يشكيلو هَمّو، ويخَبّرو عن ألَم الفراق، سألو صَديقو :

مُمكِن تحَدِّدلي شو يَعني الفراق؟

جاوَبو بِكِلّ بساطَة، الفراق هوّي غياب الأشخاص يَلّي منحِبّهُن، غيابُن مِن حياتنا مِتِل غياب الألوان من الصّورَة، صحيح إنّو بغيابُن ما منِفقُد الحياة إنَّما منِفقُد المعنى الحِلو بالحياة.



الزّوّادة بتقلّي وبتقلَّك :

الحياة قَيِّمِة بحَدّ ذاتها، الأحداث المُفرِحَة بتعطيها قيمِة ومعنى، بالعَيش مع الربّ يسوع الحياة بتصير أجمل، كِلّها ألوان وجمال ومعاني، خَلّينا نسعى لحتَّى الربّ ما يغيب من حياتنا ولا نحنا نغيب من حياتو، والله معك.

 المصدر : صوت المحبّة