الله معك...
فرقة موسيقيِّة مشهورَة كتير، الناس بيلحَقوها من مدينِة لمدينِة حتَّى يتسَمَّعو لعَزفها.
بيَوم من الإيّام وبإحدى الحفلات عازِف دَورو مِش أساسي بالفرقَة بيِتذَكَّر إنّو نِسي مفاتيحو بمحَلّ.
والمَحَلّ يمكِن سَكَّر بهالوقت.
تذَكَّر كمان إنّو لَمّا صَفّ سيّارتو بالموقف نِسي مفاتيحو فيها، فكان كِلّ الوقت مُضطَرِب ومِش عَم بيقوم بالدَّور المَطلوب مِنّو...
بآخِر الحفلِة، لمّا الكِلّ قالو إنّو العزف ما كان متناسِق ومتناغِم اكتَشَف إنّو هوّي السَبَب، واكتَشَف كمان قَدَّيش دَورو لو مَهما كان زغير هوّي مهِمّ.
الزوّادة بتقلّي وبتقلَّك :
ما تِستَهوِن بالعَمَل يَللي عم بتقوم فيه إن كان كبير أو زغير إتقانَك لإلو هوّي يَللي بيخَلّيه يصير كتير مهِمّ بعيون الناس وعيون الله. والله معك.
المصدر : صوت المحبّة
