الله معك...
بيخَبّروا عن رِجّال مُعطاء وكريم كان يعيش حَسَب تعاليم الربّ يسوع يَلّي بتقول ما تخَلّي إيدَك الشمال تعرف شو عِملِت إيدَك اليَمين، ولا مَرَّة حدا دَقّ بابو ورَجَّعو خايِب.
بيَوم من الإيّام كان عامِل صُبحِيِّة هوّي ومَرتو، بتِسألو بِتَعَجُّب غَريب بعد هالعُمُر ما تعِبِت مِن العطاء، خاصَّةً إنَّك مِش عَم تُحصَل على أيّ مكافأة؟
جاوَبها : ولا يَوم تعِبِت من العطاء، ولا لَحظَة فَكَّرِت بمُكافأة أو تِكريم مِن إنسان، الشي الوَحيد يَلّي بيخَلّيني إحزَن وإتعَب لمّا عطائي بيروح لإنسان ما بيقَدّرو وبيُصُرفو بِغَير محلّو.
المصدر : صوت المحبّة
