الله معك...
إجا مرَّة الخنزير لعند البقرة يشتكي :
«الناس بيضَلّو يِحكو عن منيحِك وطيبتِك.
صحيح بتعطيهُن حليب إنَّما أنا بعطيهُن كمان اللحم، وحتَّى إجريّي بيقدرو يستفيدو منهُن، وما حدا بيحِبني. ليش؟»
فَكَّرِت البقرة لحظة وجاوَبِت :
«يِمكِن لأنّو أنا بعطيهُن وأنا بعدني عايشِة، وإنتَ ما بتعطيهُن إلّا لمّا بتموت.»
الزوّادة بتقلّي وبتقلَّك :
كَتِّر من أعمالَك الصّالحَة بحياتَك، لَيكون إلَك كنز بالسما بعد مماتَك. والله معك.
المصدر : صوت المحبّة
