الله معك...
الرّاهِب حَنّا التَقى بعالِم وأخَد يحَدثو عن الدّرس والشهادات والعلم، سألو العالِم :
«شو الفَرق بين العالِم والقدّيس؟».
أجاب الأخ حَنّا :
«العالِم بيِشبَه وردة إصطناعيِّة ما تَعطي إلّا اللون، أمّا القدّيس فهوّي كالوردة الطبيعيِّة اللي بتَعطي اللّون والرائحة حتّى بتَعطي ذاتها للغَير لَيِفرَح».
الزوّادة بتقلّي وبتقلَّك :
القداسَة هيّي بَخّور بيِتقَدَّم ويفوح عُطرو عَ مَذبَح الحياة، خَلّينا نكون رائحة وعُطُر للمسيح بحياتنا اليوميِّة. والله معك.
المصدر : صوت المحبّة
