الله معك...
بيخَبّرو إنّو اجتَمَعو المال والعِلم والشَرَف ولَمّا وَدّعو بَعضُن البَعض، قال المال :
«أنا رايِح إذا طَلَبتوني فَتّشو عَنّي بهالقصر».
وقال العِلم :
«أنا بهَيديك الجامعَة»
بِقي الشرف ساكِت، سألوه :
«لَيش ما بتجاوب؟»
قال :
«لأنّي إذا رُحت ما بِرجَع»...
الزوّادة بتقلّي وبتقلَّك :
في كتير أمور إذا خسِرناها منِقدَر منعَوِّضها ومنِستَرجِعها، بس مع الأسَف في كتير أمور خسارِتها ما بتِتعَوَّض مِتِل بَعض الأخطاء، الأوَّل فيها بيكون الأخير. والله معك.
المصدر : صوت المحبّة
