الله معك...
بحضارِتنا المتطَوّرة حطَّينا مَحَلّ الشبابيك مُكيِّفات الهوا، وهالمُكَيِّفات بتغَيِّر جَوّ الغُرفِة والهوا بداخلها، إنَّما ما في شي بيحِلّ مكان الشبّاك اللي منِفتَحو عَبُكرا كِلّ يَوم.
الشِبّاك عَم نِفتَحو عالهوا، والشّمس والزهور، وعَم منقول للهوا أهلا وسهلا، هوّي اللي مَرَق فوق الشجر وبين سنابِل القمح، تخَطّى الجبال وحِمِل مَعو مِلِح البحر، هيدا أكتر مِن الهوا، هيدا طبيعة وفصل، وكِلّ المدى.
الزوّادة بتقلّي وبتقلَّك :
قدَّيش لازِم نِنتِبِه مِن إنّو نحَطّ محل الشبابيك مُكيِّفات هوا.
أوعا نِنسى نخَلّي شبابيك قلوبنا مَفتوحَة صَوب السَّما، صوب الله. والله معك.
المصدر : صوت المحبّة
