الله معك...


شحّاد عم يِشحَد عَ بواب الدّني. 

بيِسمَع إنّو المَلِك يُقصُد المدينِة الفلانِيِّة.
بيِقعُد عَ باب هالمدينِة، عَ حافِّة الطَريق ناطِر المَلِك.
ولمّا وُصِل بيُطلُب مِنّو المُساعَدِة هوّي ومادِد إيدو.
بيِنزَل المَلِك مِن عَرَبيتو وبيمِدّ إيدو للشحّاد تَ يشحَد مِنّو. 

بيفَوِّت الشحّاد إيدو عَ كيسو يئسان، وبيشيل مِنّو حَبِّة مِن حَبّات القَمِح اللي مَعو وبيَعطيه ايّاها.
ورِجِع هالشحّاد الفقير عَ بيتو. 

وقَبِل ما ينام أَخَد يعِدّ حَبّات القمح اللي بِقيو مَعو، بِقي مَطرَح الحَبِّة الناقصَة في قُطعِة دِهَب : فتمَنّى لو أعطى الملك، الكيس كِلّو.



الزوّادة بتقلّي وبتقلَّك :

إن أعطَيت إنسَ، وإن أَخَدِت تذَكَّر. والله معك.

 المصدر : صوت المحبّة