الله معك...
بيخَبّرو عن شَبّ التقى برجّال ختيار وسألو :
«شو هوّي الرِهان بالحياة؟»
جاوَبو الختيار قصَّة :
في عمّال صينيّين بينقلوهُن من بَلَد لَبَلَد بالطيّارة حتَّى يشتِغلو، وخِلال السفر بيِلعَبو بالورق وبيراهنو، ويَللي بيِخسر بيِرمي بنَفسو من الطيّارة دون مظلِّة، فاللعبِة أكيد هيك بتصير مهِمِّة والرِّهان بيوضَح معنا، لأنّو الرِهان هوّي عَ حياة العامِل.
الزوّادة بتقلّي وبتقلَّك :
مع المسيح الرِهان بيِحرِز وهوّي يَللي بيَعطينا الحياة وبيَعطي لهالحياة قيمِة ومعنى، وبدون هالرِّهان بتِتلاشى وبتصير بلا قيمِة وبلا معنى. والله معك.
المصدر : صوت المحبّة
