الله معك...
كِنت بالشارِع لمّا التَقَيت بِطُفلِة زغيرِة عَم تِرجُف مِن البَرَد بتياب رقيقَة، وما عم تلاقي أكِل يسِدّ جوعها.
غضُبت، وقِلت :
- كيف بتِسمَح يا ربّ باللي عَم بيصير؟ ليش ما بتعمل شي؟
وسمِعت صَوت عم بيجاوِبني :
- كيف ما بعمل شي؟ ما أنا عمِلتَك إنتَ ! واليَوم إجا دَورَك حتَّى إنتَ تَعمل مَعي وبإسمي...
اعطينا يا ربّ اليوم إيدَين تكون متل إيدَيك، تِنمَدّ، تساعِد، تسَلِّم، تِسنُد، وتَعطي، حتَّى ولَو اندَقِّت بمِسمار، ويتحَوَّل هالمِسمار بنِعمتَك لمِفتاح يوَصِّلنا لقلوب الآخَرين، ونوصَل سَوا لقَلبَك. آمــــــــــــين.
المصدر : صوت المحبّة
