الله معك...
في إحدى كنائس إسبانيا، مصلوب مَفكوكِة إيدو اليَمين، و بيقولو إنّو أحد الأشخاص كان يعتِرِف عند الكاهِن فإذا بهالأخير بيرسلو من دون إنّو يعطيه الحَلِّة، وبيُطلب إنّو يِرجَع الأربعا.
وهَيك مرَّة تانية لَيعود الأسبوع القادم.
ومَرَّة تالتة، لمّا طُلِع من كرسي الإعتراف، سِمِع الكاهِن ضَجِّة بالخارج فبيِترُك كرسيه وبيشوف المسمار واقِع من إيد المسيح وعم بيبارِك الخاطئ ويَعطي الحلِّة، وقال للكاهن :
«أنا اللي انصَلَبت عَنّو أنا اللي بَعْطيه الحَلِّة...»
الزوّادة بتقلّي وبتقلَّك :
مهما كانِت خطيئتك كبيرِة أو زغيرِة، المطلوب مِنَّك تِرجَع للربّ وتقول :
«يا أبَتي أنا خطيت قدّام السما وقدّامَك...» والإستقبال ما بيقِلّ أهميِّة عن إستقبال البَيّ للإبن الضال. والله معك.
المصدر : صوت المحبّة
