الله معك...
أراد جحا إنّو ينقُش إسِم صَديقو حَسَن عَ خاتِم، وحتَّى يوَفِّر إجرة حرف من الـ 3، قال للخطّاط :
«انقِشلي عَ الخاتِم كِلمِة خَسّ».
وبَلَّش الخطّاط، لمّا حفر الحرفين وصار وقت النقطة، قَلّو جحا :
«حطُّلّي هالنُقطة بآخر السين»
فحصل عَ كِلمِة حَسَن بسعر أرخص.
لَمّا إجا يِدفَع للخَطّاط ما أخد مِنّو شي لأنّو انعَجَب بذَكاؤو.
الزوّادة بتقلّي وبتقلَّك :
الذكاء والحِكمِة عَطِيِّة مِن الربّ منِقدَر نِستَعمِلُن لَلخَير ومنِقدَر نِستَعمِلُن للشَرّ.
يا رَيت منضَلّ خَيّرين ومنِستَعمِل طاقاتنا الفِكرِيِّة وذكانا للبُنيان مِش للهَدِم. والله معك.
المصدر : صوت المحبّة
