الله معك...
أمَر أحد الأُمَراء بقَتل إعرابي، بسّ هالأخير طَلَب مِنّو العَفو.
جاوَب الأمير :
«بِعفي عَنَّك! أكيد لأ، بس بِترِكلَك حُرِّيِّة إختيار المَوتِة يَللي بِتحِبّ تموتها».
بعد تِفكير جاوَب الإعرابي :
«إسمَحلي إختار مَوت الشَيخوخَة».
الزوّادة بتذكِّرني وبتذكرك :
بِقَول السيِّد المسيح :
«ما في أحكَم من أبناء هالجيل، بس يا رَيت حِكمِتنا بِتكون لبناء ملكوت اللّه». والله معك.
المصدر : صوت المحبّة
