الله معك...
شَبّ عُمرو ٢٠ سنة، تعَرَّف بإحدى السهرات عَ صبيِّة كان قاعد حدها ع الطاوله، وبعد الحديث معها حَبّها، بس مع الأسف إكتَشَف إنها مكَرسَحَة وما بتقدَر تِمشي.
وبعد سِنِة مِن الحُبّ قَرَّر الشَبّ يتزوَّج هالصبيِّة المكَرسَحَة، وبلَيلِة إكليلو حِمِلها، فإذا برفاقو بيعَلّقو عليه وبيقولو :
«إذا بلَيلِة زواجَك عَم تِحمِلها، شو تَرَكِت لبقِيِّة إيّام حياتَك كيف بَدَّك تِحمِلها؟»
جاوَبُن بالحَرف الواحَد :
«بقلبي، بس نِحمُل الآخَرين بقلوبنا بيصير كتير سهل نحملهم بإيدَينا...»
الزوّادة بتقلّي وبتقلَّك :
القَلب هوّي ميزان عند الإنسان، لازِم تُنظُر بِعَينَك بس لازِم تحِبّ بِقَلبَك. والله معك.
المصدر : صوت المحبّة
