الله معك...
تلات شجرات عَ راس الجبل كان في عندُن أحلام.
الأولي بتِحلَم تكون عرش لأكبر ملك بالعالم، التانيِة بتِحلَم إنها تصير سفينِة تُعبُر كِلّ البِحار والمُحيطات، التالتِة بتِحلَم إنها تكون صولجان بإيد أشهر قائد عِرفو التاريخ.
مَرِّت الإيّام قَطَعو الأشجار التلاتِة بس ما مات حِلمُن، الأولي بتصير مذوَد بيولَد فيه الربّ يسوع، التانيِة بتصير سفينِة بيِستَعمِلها برحلاتو وتعاليمو عَ شاطىء بُحَيرِة طَبَريّا، التالتِة بتصير الصليب يللي انصَلَب علَيه الربّ.
الزوّادة بتقلّي وبتقلَّك :
إذا كان في عندَك حِلِم بالحياة لازِم تِسعى لحتَّى تحَقِّقو.
نِيّال يَللي بيِحلَم هوّي و واعي لأنّو حِلمو رَح يِتحَقَّق. والله معك.
المصدر :صوت المحبّة
