الله معك...
بإحدى القُرى بالهند في بيّاع طيور، وحتّى يُعرُض الطيور للبَيع كان يُربُطُن بخيطان، ويُربُط الخيطان بِوَتَد بالأرض، وهالطيور كانِت تطير وتحَلِّق حول الوَتَد يَللي رابُطها فيه.
بيوصَل لَعَندو كاهِن هِندي بيآمِن بضرورِة الحِفاظ عَ الطيور وعَ حُرِّيِّتها، فبيِشتريها وبيُقطَع الحبل، ولكِن المُفاجأة إنّو الطيور ما طارِت بل بِقيِت تدور حُول المكان يَللي كانِت مَربوطَة فيه.
الزوّادة بتقلّي وبتقلَّك :
الإنسان خِلِق حتَّى يطير ويحَلِّق بس مع الأسَف لمّا بيِتعَوَّد عَ عادِة بيصير أسير وعَبِد إلها، لو مهما عَطيوه مِن حلول، مُمكِن يِقبَلها بس ما بيِترُك يَللي بيكون تعَوَّد علَيه. والله معك.
المصدر : صوت المحبّة
