الله معك...
في شخص عَم بيفَتِّش ويسأل عن مدى أهميِّة وجود الله بحياتو، بيدِلّوه عَ ناسِك بالجبل، بيروح لعَندو وبيدِقّ بابو أوَّل يوم وتاني... وسابع يوم، حتَّى فَتَحلو الباب وسألو عن حاجِة الإنسان لألله بحياتو، فقَلّو :
«تعا بكرا».
ولَمّا رِجِع باليوم التالي، نِزلوا سَوا عَ الوادي جَنب النهر.
فَطَلَب الناسِك مِنّو إنّو ينَزِّل راسو بالمَي وما يشيلو أبدًا، بس ما قِدِر يُصمُد دقيقَة فقام بسرعَة، فسَألو الناسِك :
«لَيش قِمِت؟».
فجاوَب :
«لأنّي حَسَّيت إنّي بحاجِة لَإتنَفَّس.»
فقَلّو :
«حاجتَك لألله هيّي مِتِل حاجتَك للتَنَفُّس، لأنّو هوّي نَفَس حياتنا».
الزوّادة بتقلّي وبتقلَّك :
الربّ هوّي حاجِة وغايِة ما لازِم نتأخَّر وَلا دقيقَة بالتَفتيش عَنّو لأنّو هوّي حياتنا، وإذا فَقَدناه منِفقُد كِلّ حياتَنا. والله معك.
المصدر : صوت المحبّة
