الله معك...
إستَخدَم الموسيقار موزار صيغة الجَمع بأحاديثو عن أعمالو وقال :
«عَمَلي هوّي إنتاج لمَجهود مُشتَرَك : العازفين، آلاتُن ويَللي صَنَعوها، يَللي صَنَع الوَرَق وقَدَّمو لحتَّى نكتُب عليه، جهد يَللي صَنَع القَلَم حَتَّى نِكتُب فيه، ويَللي صَنَع البيانو لنِعزُف علَيه...».
الزوّادة بتقلّي وبتقلَّك :
لمّا بتِنجَح فَكِّر بالجنود المَجهولين يَللي كانو سَبَب نجاحَك وقول نحنا نَجَحنا، ولمّا بتِفشَل فَتِّش عن نقاط الضُعف عندَك لَتِنجَح وهَيك ما بتقول هِنّي فِشلو. والله معك.
المصدر : صوت المحبّة
