الله معك...


في رِجّال ختيار عَم يزرَع ببِستانو، بيِمرُق الحاكِم حَدّ البِستان، وبيوقَف وبيِسألو : 

«قدَّيش عُمرَك يا عَمّ؟».

«صار عُمري ميِّة سنة» ردّ الختيار.

بيقِلّو الحاكِم : «ميّة سنه؟».

يا صديقي سؤال بس بلا زعل؟ 

ليش عم تتعب بزرع هالشجرات، طالما مش رح تعيش حتَّى تاكُل من ثَمَرهُن؟.

«مَعَك حَقّ»، رَدّ الختيار، بس بحِبّ خَبرَك شي، أنا لمّا جيت ع هالدني لقيت ثِمار كتيرة وطَيبِة ناطرُتني أكَلت مِنّا، بحِبّ لمّا إترُك هالدني كون تارِك ثِمار طَيبِة وكتيرة للآخرين».



الزوّادة بتدعينا نفَكِّر بهالمتل الشَّعبي :

زَرَعوا فأكلنا نَزرَع فيأكُلون !!! 

بتوَعّينا عَ الحقيقَة يللي بتقول: 
إنتظار المُقابِل بيتَعِّب أكتر من العمل بحَدّ ذاتو. والله معك.

المصدر : صوت المحبّة