الله معك...
سألِت إمرأة مطلّقة العالِم نيوتن :
«كيف قدِرت إنّو توصَل لإكتشاف الجاذبيِّة؟».
جاوَب بكلّ بساطة :
«بالتفكير !!!».
قالِتلو الإمرأة :
«أنا كنت كتير عَم فَكِّر بزَوجي يللي هجرني وانفصل عَنّي بالطّلاق».
قاطَعها ليسألا من جديد :
«فكَّرتي فيه قبل الطلاق أو بَعدو؟».
«بعد الطلاق طبعًا».
قاطعها وقلّها بحزم :
«لو أحسَنتي التفكير فيه قبل الطلاق كان بإستطاعتِك إكتشاف قانون للجاذبيِّة من نوع تاني».
الزوّادة بتدعيني وبتِدعيك :
لنفَكِّر بالحالِة يَللي نحنا فيها إذا كِنّا مكَرَّسين أو مكَرَّسات، آباء أو أمّهات، شبّان أو شابّات، إنّو نعيش نعمة الحالِة يَللي نحنا فيها ونتذَكَّر إنّو الندم بعد المَوت أصعب من الموت. والله معك.
المصدر : صوت المحبّة
