الله معك...


أقام أفلاطون إحتفال وعَزَم عدد كبير من الفلاسفِة... وزَيَّن بَيتو بالسجّاد الغالي وستائر الحرير الدهبيِّة... وكان ضُمن المَدعوّين ديوجانيس يَللي إجا للإحتفال بحذاء ملوَّث بالطّين، وبَلَّش يروح ويِجي ويدَعوِس عَ السجّاد الغالي الثمن.

سألو أفلاطون :

«لَيش عَم تعمِل هَيك؟؟؟». 

جاوَب وقال :

«أنا مِش عَم دَعوِس عَ السجّاد، أنا عَم دَعوِس عَ الكِبرِيا والتشامُخ يَللي عَندَك!!!».

جاوَب أفلاطون :

«أنا كتير بُشكرَك لأنَّك عَم بتدَعوِس علَيُن بتشامُخ وكِبريا...».




الزوّادة بتقلّي وبتقلَّك :


كِلّ واحَد مِنّا في عَندو شي مِن الأنا والإنتقاد للآخَر، يا رَيت كِلّ مَرَّة منسَكِّر إيدنا ومِندِلّ بالأصبع عَ الآخر، منكون عم ندِلّ عَ ذواتنا بالأصابع الأربَعَة الباقيين. والله معك.

 المصدر : صوت المحبّة