الله معك...
بالزمان القديم بإحدى المُدُن البحريِّة كانو بيُنطرو المخلِّص وعَندُن عَ إحدى الصخور صورتو، بيزوروها بأكتَر الأحيان.
بس كان في أمر يحيِّرهُن، كان في صَبي بيُقصُد هالمكان كِلّ يوم بيوقَف ساعات أمام الصورة يتأمَّلها.
وضَلّ عَ حالو مِدِّة طويلِة.
ولَمَّن كِبِر وصار عُمرو ٣٠ سنة انطَبَعِت رسمِة الحيط عَ وِجُّو وكان جَبّار، فصار هوّي المُخَلِّص وخَلَّص أهل مدينتو.
الزوّادة بتقلّي وبتقلَّك :
«لازِم تتأمَّل بوجه الربّ ، لازِم يسكُن بقلبَك، ساعِتها صورتو بتُنطُبِع عَ وجوهنا، وبتِنعِكِس بحياتنا اليوميِّة. والله معك.
المصدر : صوت المحبّة
