18 Nov
18Nov

الله معك...


زوّادِتنا اليوم زوّادِة زغيرِي بس مفعولها كبير.


متل الخميرة، حبّتَين تلاتِة وبيخَمّرو كِلّ العَجينِة... هالزوّادِة هِيّي «بَسمِة».


ما بتكَلّفَك شي ولا بتفَقّرَك، بس إذا اعطيتها، بتِغني غَيرَك. 


ما بتاخُد شي من وقتَك، ولَمّا تعطِيا بتزيد عَ وقت غَيرَك معنى جديد... ما بتتعبك بس بترَيِّح الآخرين... وين ما كِنت... بالشِغِل، بالبيت، بالسجن... كيف ما كنت : 

متألّم... وحيد... تعبان... بسمة حلوِة وكلّ شي بيتغيَّر...




الزوّادة اليوم بتقلّي وبتقلَّك :

إذا بدَّك تحصل ع إبتسامة من إنسان تعبان ما تكون بخيل عَجِّل واعطي يّاها. والله معك.


 المصدر : صوت المحبّة

تعليقات
* لن يتم نشر هذا البريد الإلكتروني على الموقع.