الله معك...
مُرسَل عاش ٤٠ سنة بالصّين وصار وقت يرجع عَ بلادو.
إلتقى مع مغنّي مشهور مضّى أسبوعَين بالصين وراجِع عَ بلادو، إلتَقو بالسَّفينِة.
لمّا وُصلو إندَهَش المُرسَل من عدد الناس الغفير اللي ناطرين هالمغنّي المشهور، وسأل ربنا :
«أنا اللي عطيت كِلّ عُمري للصّين وهالمغنّي اللي ما عطاها إلّا أسبوعين، رجعنا ع بلادنا، ليش الكِلّ عَم يستقبلوه وما حدا ناطرني؟».
جاوبو الله :
«يا إبني هالإنسان رِجِع عَ بلادو، إنتَ بعد ما رجِعت عَ بلادَك».
الزوّادة بتقلّي وبتقلَّك :
يا خيّي المؤمِن كِلّ أرض غُربِة هِيّي وَطَن إلَك وكِلّ وَطَن هوّي أرض غريبِة لأنّو وَطَنَك الحقيقي هوّي السما. والله معك.
المصدر : صوت المحبّة
