20 Nov
20Nov

الله معك...


فاتت البِنت الزغيرِة عَ البيت ولِقيِت صاحِب بَيّا عندُن. 


سألها وَين كانِت؟

فخَبَّرِتو إنّو إخوِتها نَصَبو فخاخ تَ يلَقّطو العصافير.

- وإنتِ، شو عمِلتي؟ قالتلو :

- صَلَّيت إنّو ينتِزعو الفخاخ.

- وشو عملتي كمان؟

- كمان صَلَّيت حتَّى الله ما يخَلّي العصافير يفوتو بالفخ.

- وبعدين؟

- بعدين، رُحت كَسَّرت الفخاخ كِلُّن.




الزوّادة بتقلّي وبتقلَّك :

عظيم الإيمان بس بَدّو ترجمِة، بَدّو إنّو نِحييه، نعيّشو بالأعمال.

فخَلّينا نِسكُب إيماننا بأعمالنا، لأنّو متل ما بيقول أحد القدّيسين :

«الأعمال المنيحَة بتوَصِّل صلواتنا أسرع للربّ». والله معك.



 المصدر : صوت المحبّة

تعليقات
* لن يتم نشر هذا البريد الإلكتروني على الموقع.