الله معك...


ضَهَرو تنَين سِتّات يِمشو بالسوق. 


وصارِت وِحدِة مِنُن توقَف قِدّام كِلّ واجهَة وتِتأمَّل فيها.


وقالِتلا صديقِتها : عايزَة شي؟ عَم بِتفَتشي عَ شي؟


وجاوَبِتها : لأ ! بَس عَم شوف قَدَّيش في إشيا بُقدَر إستَغني عَنها.

الزوّادة بتِدعيك تِتأمَّل بهالدِراسِة الواقعَة يَلّي بِتقول :

- قَتِل إنسان بالحَرب بيكَلِّف نُصّ مَليون دولار.


- إطلاق إنسان برِحلِة فَضائيِّة لإكتِشاف الفَضا، بيكَلِّف ٥ مليار دولار.


- إنقاذ إنسان مِن المَوت ومِن الجوع بيكَلِّف ١ دولار.


بِتِركَك اليَوم تِتأمَّل هالأعداد، وتُربُطُن بالخَبرِيِّة وتاخُد مِنُّن العِبرَة اللي بِتريدا. والله معك.

المصدر : صوت المحبّة