الله معك...
التقى شخص بأربع رجال وأعطاهُن مصاري وقَلُّن :
«اتِّفقو بيناتكُن وروحو اشتِرو اللي بتريدوه».
قال الأوَّل :
«أنا بَدّي إشتري شوَيِّة عِنَب»
بينما الثاني فَضَّل يشتِري شي عنقود، والتالت اختار إنّو بَدّو يِشتِري هَيدي الفواكه اللي بيَعملو منها نبيد. وأصرّ الرابع إنّو هو ما بيِشتِري إلّا هيدا اللي بيَعِملو مِنّو الخَلّ.
وإختَلَفو بَين بَعضُن وساعِتها تدَخَّل الشخص حتَّى يُصلُحُن.
وبتَعرفو شو عِمِل؟ اشترالُن صندوق عِنَب.
الزوّادة بتقلّي وبتقلَّك :
انتِبِه إذا أسقطت التسميات والشكليّات والمظاهِر والعناد بتصَوَّر بتُسقُط كِلّ خلافاتَك إنتَ وخَيَّك يَللي حَدَّك. والله معك.
المصدر : صوت المحبّة
