الله معك...
بيخَبِّر الكاتِب اللّبناني جبران خليل جبران عن كَلب كان عَم يتمَشّى عَ شَطّ البَحر بيِسمع جماعَة من الطُيور عَم بيصَلّو وبيقولو :
«يا رَبّ خَلّي الدِني تشَتّي فيران...».
للَحظَة بيفَكِّر وبيقول :
«حَرام، مَنُّن عارفين إنّو الله أطرَش، لو بيِسمَع كانِت مِن زمان شَتِّت عضام»...
الزوّادة بتِدعيني وبتِدعيك :
للإجتِهاد والعَمَل، والربّ هوّي يَللي بيفيض البَرَكات علينا، ما تِستَسلِم، الله يُمهِل لَكِنَّهُ لا يُهمِل. والله معك.
المصدر : صوت المحبّة
