الله معك...
بيخَبرو عن بَيّ تَرَك إبنو نايِم بالبيت، وراح عَ السوق يشتري غراض.
لـمّا رِجِع شاف النار ولعانة بالبناية، والكِلّ عَم بيجَربو يطَفّوها.
جَرَّب يوصَل عند إبنو، بسّ النار مَنَعِتو. بيعَيِّط البَيّ لإبنو، بيِسمع صَوتو عن البَلكون، بيقِلّو البَيّ :
«يا إبني ما تخاف، كِبّ حالَك، أنا بستلَقّيك».
الصّبي خاف...، من جديد صار البَيّ يشَجعو... بالآخِر كَبّ الصّبي حالو، والبَيّ مِسْكو بين إيديه، وخَلَّصو من الحريق.
الزوّادة بتقلّي وبتقلَّك :
«قدّام أيّا صعوبة، كِبّ حالَك بَين إيدَين الربّ، هوّي بَيَّك يَلّي حاضِر عَ طول حتَّى يخَلصَك». والله معك.
المصدر : صوت المحبّة
