الله معك...
طُفُل فقير عطشان متشرَّد، عَرَض عليه أحد الأغنيا الإنضمام للخدّام تبعو، وهيك بيِقدَر يعيش ويتابِع حياتو بسهولة.
قال الصبي :
«إيه بس في عَندي كم سؤال.. إذا جِعِت بتطَعميني؟»
قَلّو : «نعم!».
قلّو : «إذا عطُشُت بتشَرِّبني؟».
«نعم!!!».
«طَيِّب إذا تعَرَّضِت للموت بتخَلِّصني وبتِحميني؟».
فَكَّر الغني وقال :
«هَيدا الشي الوحيد يَللي مش قادِر عليه».
فقال الطُفُل : «خَلّيني عايِش بِحُرّيتي مِتِّكِل عَ ربّي : فهوّي بيطَعمني وبيِهتمّ فيّي وبعد مَوتي بيُنقُذني».
الزوّادة بتقلّي وبتقلَّك :
اتِّكِل عَ الربّ، سَلّمو حياتَك، وهوّي بيَعطيك كِلّ إحتِياجاتَك، مِش هوّي بيقول : ألقي عَ الربّ هَمَّك وهوّي بيعينَك. والله معك.
المصدر : صوت المحبّة
