الله معك...
إبتَسِم لِذاتِكَ : ضَلّ ابتِسِم لحَدّ ما جأرتَك وعَبستَك وقساوتَك يختِفو.
ابتِسِم لذاتَك لحَدّ ما بَسمتَك تدَفّي قَلبَك وتِفرَح إنتَ بوِجَّك اللي عَم يِضحَك.
وساعِتها، إحمُل بَسمتَك وطُلّ فيها ع الآخرين.
وإبتِسِم : إبتِسِم للوجوه المَتروكِة، للوجوه الخجولِة، الحزينِة، المريضَة، الصَبِيِّة والنَدِيِّة، الجَليلِة والمُجَعَّدة.
إبتِسِم للوجوه بعيلتَك وبين أصحابَك.
وعِدّ إذا بتُقدَر، البسمات اللي رَح تِخلَقهُن بَسمتَك.
وشوف كيف رَح بِتكون هالحَرَكِة الزغيرِة عَم تِحمُل الحياة والرَجا، وعَم بتكون نقطة إنطِلاق لتَوبِة خاطئ، وعَم تِربَح أصدِقاء مُخلصين.
وإبتِسِم لألله : بِقُبول كِلّ إرادتو بِحياتَك.
وخود ع عاتقَك تكون رسول الفَرَح وبَسمتَك أداة بتساهِم بزرع السلام بكِلّ القلوب.
الزوّادة بتقلّي وبتقلَّك :
بإيّام إنعَدَمِت فيها البسمِة، وصارِت الوجوه اللي حوالَينا أغلَبها حاملِة الهَمّ والحُزن، فَكَّرِت شي مرَّة إنّو البسمة بتِحمُل رسالة ؟ والله معك.
المصدر : صوت المحبّة
