الله معك...
اليَوم بَدّي أتوَقَّف أنا وِيّاك عند جملِة قالها نابوليون لمّا كان بالمنفى.
قال :
«أنا والقَيصَر والإسكندر، بَنَينا إمبراطوريّات عَ القوِّة.
وانهارِت كِلّها فوق روسنا.
وَحدو يسوع بَنى إمبراطوريِّة عَ الحُبّ.
وبعدها لليَوم قوافِل اللي عَم يتبَعوه، عم بتزيد جيل بعد جيل».
الزوّادة بتقلّي وبتقلَّك :
شو رأيَك اليوم إنتَ وعَم تتذَكَّر إنَّك مُواطِن بإمبراطوريِّة الحُبّ، تِرجَع تِسأل حالَك عَ شو عَم تِبني؟
عَم تِبني عَ القوِّة والسُلطَة والجاه؟
عَم تِبني عَ رمل.
عَم تِبني عَ الحُبّ والغُفران والمشارَكِة؟
عَم تِبني عَ صخر.
الرمل بيِتغَيَّر مع كِلّ مَوجِة مارقَة، ووَحدو الصخر بيِبقى صامِد بوجه كِلّ الأمواج. والله معك.
المصدر : صوت المحبّة
