الله معكن...
تخَرَّج شَبّ مِن مدرسة الطَيَران وراح يزور سِتّو مِفتِخِر بِبَدِلتو، مَبسوط بِشاراتو.
وفِرحِت سِتّو كتير كتير.
وغَمَرِتو بِفَرَح وإفتِخار وقالِتلو :
- «يا تُقبُرني يا سِتّي، أنا شايفِة حالي فيك وباللي وصُلتُلّو ، وكتير مَبسوطَة كيف قدِرت تِنجَح بِدَرسَك وتصير طِيَّرجي، بس، يا ضناي، بِرِضاي علَيك، ما تطير وإذا طُرتْ أوعا تعَلّي».
إخوتي...
ونِحنا قَولكُن مش هيك؟ بدنا نعمِل طِيَّرجيَي بَس ما بدنا لا نطير ولا نعَلّي؟ بدنا نكون مسيحيّين، بس ما بدنا لا نحِبّ ولا نضَحّي؟ والله معكن.
المصدر : صوت المحبّة
