الله معك...

بنت زغيرِة راجعَة مِن عِند الجيران اللي فَقَدو صبي من عمرها وكانِت تِلعَب معو.

سألِتها إمها :

«لَشو رحتي؟».

جاوَبِت :

«رُحُت حتَّى واسي إمّو المَقهورَة».

«وشو فيكي تعمليلا ما إنتي بعدِك زغيرِة؟».

«قَعَدِت بحُضنها غمَرتها وصُرُت إبكي معها».



الزوّادة بتقلّي وبتقلَّك :

إذا حدا حدَّك مَحزون إحزَن مَعو.
إذا حدا حدَّك فرحان إفرَح مَعو. 

المسيح بيقِلنا : إفرَحوا مع الفَرِحين وابكوا مع الباكين.

اللي بيحِب بيتطَلَّع وبيشوف، بيُصغي وبيِسمَع، بيِفهَم وبيشارِك. والله معك.

المصدر : صوت المحبّة