الله معك...


بعالَم الضَجِّة اللي عَم نعيشو اليوم : الموسيقى الصاخبِة، الأصوات العاليِة، زمامير السيّارات، ضجيج الإذاعات... 
إستوقَفنا مقطَع كَتَبو صديق عَم يِرثي فيه صديقو، بيقول :

- كان تِفكيرو بَطيء، وكلامو قَليل، وما كانِت أفكارو أو آراؤو كتير مهِمِّة، ولكن حضورو كان سَبَب فَرَح لَكِلّ الموجودين، لأنّو كان «أمير الإصغاء». 




الزوّادة اليوم بدّها تقِلَّك :


الإصغاء فَنّ، رغم كِلّ الضَجِّة المُحيطَة فيك، أو اللي بداخلَك. 


دَعوِتنا إلَك تاخُد وَقفِة مع ذاتَك، تِتعَلَّم فيها هالفَنّ، وتشوف قَدَّيش بيصير فَرَح حوالَيك. والله معك.

المصدر : صوت المحبّة