الله معك...
بإحدى المؤتمرات الصحافيِّة، سُئِل شارلي شابلِن :
«مُمكِن تحَدِّد مين هوّي الشَّخص أو الأشخاص يَللي كانو وراء نجاحَك؟».
جاوَب بِكِلّ بساطَة :
«وراء نجاحي أشخاص مِش شخص واحَد عَدَدُن ١٠».
بيقاطعو الصحافي وبيقِلّو :
«مُمكِن نَعرِف مين هِنّي؟».
جاوَب :
«إمّي وبيِّي اللي هِنّي سَبَب وُجودي، وولادي التماني اللي أنا سَبَب وُجودُن».
الزوّادة بتحَذِّرني وبتحَذّرَك :
من فيروس قديم جديد عوارضو بتُظهَر عَ الشَكل التّالي :
لمّا منِنجَح كِلّ الفَضل لإلنا ولجُهدنا الشَّخصي، ولمّا منِفشَل الحقّ عَ الله، أحلى ما قُول الحَقّ عَ الآخَرين. والله معك.
المصدر : صوت المحبّة
