أوقات منفكر عيد الميلاد عيد الأطفال، منهتم بالأطفال أكتر، الزينة بتكون إلهن، والهدايا كمان، وكأن هيدا العيد هوي عيدن وحدن..
عيد الميلاد، مش عيد الأطفال، هوي عيد كل إنسان، تيرجع طفل..
شو مشكلتنا هالأيام؟
مش كلنا منتذكر طفولتنا ومنقول يا ريت منرجع لهديك الأيام ؟
مش كلنا منشتاق لنظرتنا للحياة وقت كنا صغار؟
مش كلنا منتمنى نتخلى عن كل الإشيا القاسية اللي شفناها، ومنحب نرجع لهونيك لحظة مليانة صفاء؟
شو بخصوص الايمان؟
مين منا إيمانو أقوى من إيمان طفل؟
مين ما بيتمنى يرجع يصلي متل الطفل، ويكون عندو ثقة بالله وإتكال عليه متل الطفل؟
عيد الميلاد هو فرصة، بهالجو الحلو، تنرجع نشوف الحياة بهالبساطة والحب..
ما تنسى، هيدا العيد هو عيد الطفل اللي فيك..
/الأب بيتر حنا/
#خدّام الرب
