بنظرة منّك وبكلمة منّك، خلقت نهار جديد وصباح جديد مليان من نورك ومجدك يا إله الكون، منشكرك ومنسبّحك ومنمجّدك.


غريب أمرنا يا ربّ، بتضلك تعطينا علامات على إنّو الحياة فانية وما فيها شي، وبعدنا منتكبّش فيها وبملذاتا وبإغراءاتا.


الوقت عم بيمرّ علينا بسرعة يا ربّ، وبعدنا مش مستعدّين، وكتير من الأوقات منهرب من إننا نستعد، تا نستقبلك متل ما بيليق فيك.


يا ربّي يسوع، الرسل بعد ما عاشو معك تلات سنين تغيّرت حياتن، ونحنا صرلنا عمر معمّدين وبعدنا بعاد عنّك.


يا يسوع الحبيب، نحنا بدنا نكون بعلاقة معك أكتر شفافيّة، وننفتح على حبّك أكتر ونعطيك ذاتنا أكتر، وتكون حياتنا مراية لحياتك رغم كل التحدّيات..

/الخوري يوسف بركات/