ببداية هالأسبوع، وبصباح هالنهار المبارك، منرفعلك يا ربّ قلوبنا وأفكارنا وعقولنا تا تباركا وتقدّسا.
شو حلوة ومهمّة هالرسالة اللي عطيتا لتلاميذك لمّن دعيتن تا يعلنو اقتراب ملكوت الله مع الأشخاص اللي بيقبلوهن واللي ما بيقبلوهن.
شو حلوة هالحقيقة، إقتراب ملكوت الله، اللي فيه الخلاص لكل إنسان ، هالخلاص اللي عطيتنا ياه بتجسّدك وبموتك وقيامتك يا ربّ يسوع.
وشو حلو الخلاص المليان رجا فيك يا ربّي يسوع المسيح، وشو صعب نبقى عا هالرجا بظل هالظروف اللي عم نعيشا، واللي بتتطلب منا الوعي والصلاة.
يا إلهنا الحبيب، فيك منلاقي حالنا، ومعك بتبقى الحياة إلها معنى، وفيك خلاصنا ورجانا، ومعك بدنا نختار نعيش الحياة ونكون رسلك بالعالم.
/الخوري يوسف بركات/
